പേടി..
രാവിലെ നേരത്തേ എണീറ്റു.. ഒന്നുകൂടെ കിടന്നാലോ? കിടക്കാം.. കണ്ണടച്ചപ്പോഴേക്കും മോബൈലിലെ റിമൈണ്റ്റര്‍ അടിച്ചു.. എനിക്കറിയാം ഞാന്‍ വീണ്ടും കിടക്കാന്‍ നോക്കുമെന്ന്‌. :-) എന്നെ ഞാന്‍ തന്നെ മാനിച്ചില്ലെങ്കില്‍ പിന്നെ ആരു മാനിക്കും? എണീക്കാം.. എണീറ്റു.
എന്തായാലും വൈകി. ഇനി മോണ്റ്റെ ടിഫിന്‍ തയ്യാറാക്കാം. ബ്രെഡ്‌ ടോസ്റ്റ്‌ ചെയ്തു. മുറിച്ചു. ജ്യൂസ്‌ ഫ്രിഡ്ജില്‍ നിന്ന്‌ എടുത്തു വച്ചു. ഒരു കേക്ക്‌ കഷ്ണം കൂടെ വച്ചു. ഇതില്‍ കൂടുതല്‍ വച്ചാല്‍ അവന്‍ കഴിക്കുന്നില്ല എന്ന പരാതി ടീച്ചര്‍ ഡയറിയില്‍ എഴുതി വിടും. ഇത്‌ മതി. ഇതെങ്കിലും കഴിച്ചാല്‍ മതിയായിരുന്നു. ഉച്ചക്ക്‌ വീട്ടില്‍ വരുമ്പോള്‍ ചോറു കൊടുക്കാം.
മോണ്റ്റെ യൂണിഫോം എന്നും കഴുകണ്ട അവസ്ത ആണ്‌. സ്കൂളില്‍ നിന്ന്‌ വരുമ്പൊ ഒരു ഗുസ്തി കഴിഞ്ഞ പോലെ ആയിരിക്കും വസ്ത്രം. ഇന്നലെ കഴുകി ഇട്ട യൂണിഫോം ഇന്ന്‌ തേയ്ക്കണം. അയ്യോ, സമയം പോയതറിഞ്ഞില്ല.
അയണ്‍ ചെയ്യല്‍ കഴിഞ്ഞു. ഇന്ന്‌ ബ്രേക്ക്‌ ഫാസ്റ്റിന്‌ പൂരി മസാല ഉണ്ടാക്കാം. അയ്യൊ, ഇപ്പൊ കഷ്ണങ്ങള്‍ വേവിച്ചാലേ മോനെ സ്കൂളില്‍ വിട്ട്‌ വന്ന്‌ മസാല വയ്ക്കാന്‍ സമയം കിട്ടു. കുക്കറില്‍ ഇട്ട്‌ സ്റ്റൌവില്‍ വച്ചു. ഇനി കുളിക്കണം. ശ്ശോ, ഇന്ന്‌ വെള്ളം കുടിക്കാന്‍ മറന്നല്ലോ.. ഇനി കുളിച്ചിട്ടാകാം.
തോര്‍ത്തെടുത്ത്‌ കുളിക്കാന്‍ കയറി. പൈപ്പ്‌ തുറന്നു. ബക്കറ്റില്‍ ഇന്നലെ പിടിച്ചു വച്ച വെള്ളം ഉണ്ട്‌. തണുത്തത്‌. പൈപ്പില്‍ നിന്ന്‌ വരുന്നത്‌ തിളച്ച വെള്ളമായിരിക്കും. തണുത്ത വെള്ളം മിക്സ്‌ ചെയ്താണ്‌ കുളിക്കാറ്‌. എന്തോ ഒന്ന് മറന്നല്ലോ.. അയ്യേ.. പല്ല്‌ തേച്ചില്ലല്ലോ.. ഹീ ഹീ.. ഇനി അത്‌ നടക്കട്ടെ..
പല്ല്‌ തേച്ചുകൊണ്ടിരിക്കുമ്പോള്‍ ഒരു ശബ്ദം.. പ്ശ്ശ്ശ്ശ്ശ്ശ്ശ്ശ്‌.. ഇതാരാണപ്പാ... കുളിക്കുന്നിടത്ത്‌ ഒളിച്ചിരിക്കുന്നത്‌? ചുറ്റും കണ്ണോടിച്ചു. ഏയ്‌.. ആരും ഇല്ല.. തോന്നിയതാവും.. അപ്പുറത്തെ ഫ്ളാറ്റിലെ ഫ്ള ഷ്‌ ആയിരിക്കും.. പിന്നെയും അതേ ശബ്ദം.. ദൈവമെ.. ഇനി ആയുധവും ആയി ആരെങ്കിലും ആക്രമിക്കാന്‍ വന്നതാകുമോ? അറബിരാജ്യങ്ങളില്‍ അക്രമങ്ങള്‍ നടക്കുന്ന കാലവും. എന്നാലും ഏതു വഴി ആയിരിക്കും ശബ്ദം അകത്ത്‌ വരുന്നത്‌? അടുക്കളയിലെ ജനല്‍ അടച്ചിട്ടില്ലെ? പൈപ്പ്‌ അടച്ചു. വീണ്ടും അതേ ശബ്ദം. പെട്ടെന്ന് ഓര്‍മ വന്നു. കുക്കറ്‍ അടുപ്പത്ത്‌ വച്ചാണ്‌ കുളിക്കാന്‍ കയറിയത്‌..
ചിന്ത കാട്‌ കയറിപ്പോയി.. :-)
Tuesday, April 26, 2011
Wednesday, April 13, 2011
മുത്തശ്ശനും മുത്തശ്ശിയും മുത്തുവും..
മുത്തശ്ശനും മുത്തശ്ശിയും മുത്തുവും..
മഹേശ്വരന്റെ വല്യച്ച്ഛന്റെ കല്യാണത്തിനു എടുത്ത ഫോട്ടോ..
Subscribe to:
Posts (Atom)