മിഥ്യ.
നമ്മള് വിചാരിക്കുന്ന പോലെ ആണോ നമ്മുടെ സ്വഭാവം? ഓരോരുത്തര്ക്കും നമ്മളെപ്പറ്റി വ്യത്യസ്തമായ കാഴ്ച്ചപ്പാടുകളാണ്. ചിലരൊക്കെ അന്ധന്മാര് ആനയെ അറിഞ്ഞത് പോലെ ആയിരിയ്ക്കും നമ്മളെ മനസ്സിലാക്കിയിരിയ്ക്കുന്നത്. ഇതു പോലെ തന്നെ ആയിരിയ്ക്കും നമ്മള് മറ്റുള്ളവരേയും മനസ്സിലാക്കിയിരിയ്ക്കുക.
വര്ഷങ്ങളായുള്ള ജീവിതപങ്കാളിയെക്കൂടെ മനസ്സിലാകാത്തവര് ധാരാളം ഉണ്ട്. ഒരു മനുഷ്യനെ പൂര്ണ്ണമായും മനസ്സിലാക്കുക അസാധ്യം. പരീക്ഷ കേന്ദ്രീകരിച്ച് പഠിയ്ക്കുന്ന പോലെ നമുക്കാവശ്യമുള്ള അല്ലെങ്കില് നമ്മളെ ബാധിയ്ക്കുന്ന സ്വഭാവവിശേഷങ്ങള് മനസ്സിലാക്കാനാണ് നമ്മള് ശ്രമിയ്ക്കാറ്. ഒരാളെ പൂര്ണ്ണമായും മനസ്സിലാക്കാന് നമ്മള് എന്തിന് ശ്രമിയ്ക്കണം? അതും ഒരു ചോദ്യമാണ്. എന്തെങ്കിലും കാര്യമില്ലാതെ നമ്മളില് ആരെങ്കിലും ഒരാളോട് അടുക്കുമോ? ഭാവിയിലെങ്കിലും ഒരുപകാരം നമ്മള് പ്രതീക്ഷിയ്ക്കുന്നുണ്ടാകും. അല്ലേ?
ഞാന് ഒരാളെ പറ്റി കേട്ടു. അറിയണമെന്ന് തോന്നി. ശ്രമിച്ചു. ആദ്യമൊക്കെ അദ്ദേഹം എന്തോ ഒരു "സംഭവം" ആണെന്നാണ് എനിക്ക് തോന്നിയത്. പക്വത, അറിവ്, അങ്ങനെ പലതും എന്നെ ആകര്ഷിച്ചു. ഞാന് കൂടുതല് മനസ്സിലാക്കാന് ശ്രമിച്ചു. പുതുതായി പരിചയപ്പെട്ട ഒരാള്ക്ക് മുന്നില് തുറന്ന് കാണിക്കാനുള്ളതാണോ തനിനിറം? അദ്ദേഹം അകന്ന് പോയിക്കോണ്ടിരുന്നു. 'ചെയ്യരുത്' എന്ന് പറഞ്ഞത് ചെയ്യാന് നമുക്കെല്ലാം ഒരു പ്രത്യേക താല്പ്പര്യവും ഇഷ്ടവും ആണല്ലോ? ഞാനും അങ്ങിനെ തന്നെ. വലിച്ചടുപ്പിച്ചു. ഒന്നും നഷ്ടപ്പെടുത്താതെ തന്നെ. കൂടുതല് അറിഞ്ഞപ്പോള് മനസ്സിലായി. അദ്ദേഹവും ഒരു സാധാരണ മനുഷ്യണ്റ്റെ വികാരവിചാരങ്ങളെല്ലാം ഉള്ള ഒരാളാണെന്ന്.
"ഞാന് വ്യത്യസ്ഥയാണ്." ഈ ധാരണയും കൊണ്ട് ഞാനും കുറെ കാലം നടന്നതാണ്. ഒക്കെ ഒരു തോന്നലാണ്. മിഥ്യാ ധാരണ.
Subscribe to:
Post Comments (Atom)
4 comments:
Ya its absolutely right..All r human beings only..But all r different too in character..Am I right/?
NIran is Anonymous..K>>
character is the color he believes what he is. all think different.
>>>>>ഒരാളെ പൂര്ണ്ണമായും മനസ്സിലാക്കാന് നമ്മള് എന്തിന് ശ്രമിയ്ക്കണം?<<<<
നല്ല വീക്ഷണം.
"There is some self-interest behind every friendship."
by Chanakya
Post a Comment